Lleoliadau na chynhelir

Deddf Fframwaith a Safonau Ysgolion 1998 sy'n rheoli'r gwaith o arolygu addysg feithrin na chynhelir gan ddarparwyr a gaiff eu cynnwys yng Nghynlluniau Gofal Plant a Datblygiad Blynyddoedd Cynnar awdurdodau lleol. Mae'r Ddeddf yn mynnu bod y Prif Arolygydd yn hysbysu Llywodraeth Cynulliad Cymru ynghylch:

• ansawdd a safonau addysg feithrin; a
• datblygiad ysbrydol, moesol, cymdeithasol a diwylliannol plant y darperir addysg feithrin ar eu cyfer.

Ar hyn o bryd, caiff y lleoliadau hyn eu harolygu mewn cylch chwe mlynedd a gychwynnodd ym 1999. Wrth gynnal arolygiadau, mae'n ofynnol i arolygwyr addysg feithrin cofrestredig gydymffurfio â Fframwaith Estyn ar gyfer Arolygu'r Ddarpariaeth Addysgol i Blant Cyn Oed Ysgol Gorfodol.

Mae Estyn yn gyfrifol am:

• hyfforddi a chofrestru arolygwyr addysg feithrin;
• monitro ansawdd arolygiadau ac adroddiadau arolygiadau; a
• chadarnhau arfarniadau pan ystyrir bod ansawdd y ddarpariaeth addysgol lawer yn is na'r hyn sy'n angenrheidiol.

Cliciwch am: